Klínískir atferlisfræðingar eru sérfræðingar í hegðun. Hvort sem þú leitar aðstoðar fyrir börn, unglinga eða fullorðna, hjálpum við þér að ná árangri.
Bóka námskeiðHjá okkur starfa eingöngu vottaðir fagaðilar og nemar undir þeirra handleiðslu
Á námskeiðum BF atferlisráðgjafar er farið djúpt í hvernig hægt er að stuðla að jákvæðri hegðun og draga úr óæskilegri hegðun í krefjandi aðstæðum. Gefin eru praktísk ráð sem hægt er að nýta strax að námskeiði loknu.
Hér er um að ræða heimaráðgjöf þar sem farið er yfir helstu atriði sem tengjast klósettþjálfun barna á öllum aldri og við ólíkar aðstæður. Námskeiðið byggir á gagnreyndum aðferðum sem rannsóknir hafa sýnt að skila árangri, ásamt hagnýtum ráðum fyrir aðstandendur.
Verð: Frá 25.000 kr.
Skoða nánarHér er um að ræða námskeið þar sem farið er yfir helstu þætti sem hafa áhrif á svefn barna, algeng vandamál tengd svefni og hagnýtar leiðir til að bæta svefnvenjur fjölskyldunnar. Allt efni námskeiðsins er byggt á aðferðum sem hafa verið raunprófaðar.
Verð: Frá 60.000 kr.
Skoða nánarHér er um að ræða örnámskeið í náttúrulegri kennslu sem er leið til þess að kenna börnum ýmsa færni í hversdagslegum aðstæðum með því að lesa í þarfir barnanna og óskir og grípa náttúruleg tækifæri til þess að kenna börnunum að tjá sig.
Verð: 54.000 kr.
Skoða nánarHér er um að ræða örnámskeið þar sem farið er yfir atriði sem gagnast öllum sem taka þátt í uppeldi barna, sérstaklega á aldrinum 2 til 10 ára. Allt efni námskeiðsins er byggt á aðferðum sem hafa verið raunprófaðar, þ.e. sem rannsóknir hafa sýnt fram á að séu áhrifaríkar.
Verð: 19.900 kr.
Skoða nánar„Mér fannst námskeiðið áhugavert og ég lærði mjög mikið af hlutum sem ég vissi ekki áður. Námskeiðið er klárlega gagnlegt og hjálplegt og ég mæli hiklaust með námskeiðinu og finnst mér það eiga best við leikskólastarfsmenn.“
Starfsmaður,
Leikskólakennari
„Skólaþjónusta Borgarbyggðar hefur nýtt sér þjónustu Katrínar. Hún hefur t.d. komið að málum barna sem hefur þurft að aðstoða vegna klósettþjálfunar. Slík þjálfun hefur gengið vel og góður árangur náðst.“
Margrét,
Verkefnastjóri fjölskyldusviðs
„Algjör fagmaður. Hjálpaði okkur ótrúlega mikið og á mínu heimili er talað um töfrakonuna.“
Matthías,
Faðir
„Ótrúlega fínt námskeið! Efnið sett fram á skýran og aðgengilegan hátt og það sem mér fannst frábært var að það voru ólíkar aðferðir kynntar svo flestir ættu að geta tengt við eitthvað. Mun taka efnið til mín og gera breytingar. Mæli með!“
Móðir,
Sálfræðingur
„Fagmaður í sínu starfi, get heilshugar mælt með, topp þjónusta.“
Sigríður,
Kennari
„Mér fannst mjög gott hvað efnið var sett upp á myndrænan hátt og myndbönd sýnd. Það sem stóð mest upp úr var áherslan á að tengja afleiðingar við hegðun á viðeigandi hátt.“
Sigrún,
Móðir
„Ég tel námskeiðið eiga erindi bæði til foreldra og starfsfólks á leikskólum. Efnið var sett upp á skýran máta með góðu flæði milli flytjenda og vídeó sýnd inn á milli sem vöktu áhuga og athygli.“
Svava,
Leikskólakennari
Hagnýt atferlisgreining
Hagnýt atferlisgreining er vísindagrein sem fjallar um hegðun og samspil hennar við umhverfið. Grunnlögmál hegðunar eru nýtt á markvissan hátt til að hafa jákvæð áhrif á nám og hegðun og ná betri árangri í fjölbreyttum verkefnum lífsins. Hún nýtist öllum til árangurs, óháð kyni og aldri.
ár+
Síðan hagnýt atferlisgreining kom á sjónarsviðið
~ %
Minni hegðunarvandi barna eftir atferlisfræðilegt inngrip
+
Útgefnar og ritrýndar vísindagreinar tengdar hagnýtri atferlisgreiningu
Ráðgjafar
Við erum hópur sérfræðinga og nema í hagnýtri atferlisgreiningu með fjölbreyttan bakgrunn og áralanga starfsreynslu í málefnum barna og unglinga.
Helgi S. Karlsson er framkvæmdastjóri og meðstofnandi í BF Atferlisráðgjöf. Hann er klínískur atferlisfræðingur, klínískur sálfræðingur og kennari. Síðan 2010 hefur Helgi unnið með börnum og fyrir þau í grunn- og framhaldsskólakerfum landsins. Hann hóf feril sinn í Sæmundarskóla í Grafarholti, en færði sig síðar yfir til Hafnarfjarðar, þar sem hann hefur sinnt mörgum hlutverkum.
Atferlisfræðingur
Sálfræðingur
Kennari
ART þjálfi
Katrín er klínískur atferlisfræðingur með grunnpróf í sálfræði. Ásamt störfum hjá BF Atferlisráðgjöf rekur hún fyrirtækið Hegðunarlausnir. Hún hjálpar börnum að draga úr erfiðri hegðun með því að styrkja æskilega hegðun og bæta líðan þeirra. Katrín sérhæfir sig einnig í klósettþjálfun og veitir faglega ráðgjöf varðandi frumkvæði, næturvætu og hægðatregðu.
Atferlisfræðingur
BS í sálfræði
Erla Sif er klínískur atferlisfræðingur með grunnpróf í sálfræði. Þar að auki er hún einnig með meistaragráðu í uppeldis og menntunarfræðum. Hún hefur starfað bæði í leik- og grunnskólum og starfar nú í grunnskóla sem atferlisfræðingur. Þá hefur hún einnig kennt PEERS námskeið um nokkurt skeið. Erla er fjögurra barna móðir barna á aldrinum 2 til 9 ára.
Atferlisfræðingur
Uppeldis og menntunarfræðingur
PEERS kennari
BS í sálfræði
Helga Maggý er klínískur atferlisfræðingur með grunnpróf í sálfræði. Hún starfar í dag á geðsviði Landspítala en hefur þar að auki starfað bæði í leik- og grunnskólum. Helga Maggý er einnig ART þjálfi og hefur því reynslu af kennslu barna í félagsfærni, sjálfstjórn og siðferðisvitund. Hún á tvo drengi á aldrinum 5 og 8 ára.
Atferlisfræðingur
BS í sálfræði
ART þjálfi
Helga Magnea er klínískur atferlisfræðingur með grunnpróf í sálfræði. Hún starfar við hegðunarráðgjöf hjá fjölskyldu og fræðslusviði Vestmannaeyjabæjar þar sem hún veitir hegðunarráðgjöf til grunnskóla, leikskóla og heimila auk þess að sjá um innleiðingu Beanfee.
Atferlisfræðingur
BS í sálfræði
Silja Dís er klínískur atferlisfræðingur á Menntasviði Kópavogsbæjar. Hún veitir ráðgjöf til starfsfólks skóla og foreldra um hegðun og úrræði fyrir nemendur. Einnig stuðlar hún að jákvæðum breytingum í skólastarfi með sérhæfðri aðstoð og þjálfun, þar sem markmiðið er að bæta hegðun, líðan og námsárangur barna í skólum, ásamt því að sjá um innleiðingu Beanfee hjá bænum.
Atferlisfræðingur
BS í sálfræði
Rakel er klínískur atferlisfræðingur og þroskaþjálfi hjá Ráðgjafar- og greiningarstöð. Hún veitir sérhæfða ráðgjöf til foreldra barna í greiningarferli og leikskóla/grunnskóla þeirra barna með það að leiðarljósi að kenna nýja hegðun og aðlaga umhverfi til að styðja við vellíðan. Rakel hefur sérstakan áhuga á svefni og svefnvanda barna og hefur sérhæft sig á því sviði. Rakel á tvo drengi á aldrinum 3 og 6 ára.
Atferlisfræðingur
Þroskaþjálfi
Elva Lísa er klínískur atferlisfræðingur með grunnpróf í sálfræði. Hún hefur starfað í grunnskóla, á geðdeild og með börnum með sérþarfir. Þá hefur Elva lagt áherslu á tjáningu barna, bæði án og með sérþarfir í náminu sínu með Náttúrulegri kennslu, ásamt almennri ráðgjöf. Elva er verðandi tveggja barna móðir á 28. aldursári.
Atferlisfræðingur
BS í sálfræði
Meðal þeirra úrræða sem eru okkur innan handar er einstakt hvatakerfi, þróað í samstarfi við Háskóla Íslands og aðra sérfræðinga.
Skoða nánar
Júdit er annað árs meistaranemi í hagnýtri atferlisgreiningu við Háskóla Íslands, en hún lauk BS prófi í sálfræði haustið 2020. Júdit hefur hefur reynslu af störfum innan grunnskólakerfisins, sem og af umönnun barna og fullorðinna með sértækan vanda. Þá hefur hún einnig í starfnámi sínu ráðlagt foreldrum og starfsmönnum skóla vegna krefjandi hegðunar nemenda. Júdit stefnir á útskrift haustið 2025.
BS í sálfræði
Meistaranemi
Ef þú ert atferlisfræðingur og hefur áhuga á að taka þátt í að gera og/eða halda námskeið, sendu okkur þá skilaboð!
Hafa samband
Hlustaðu á:
